Со петиција до Владата се бара воведување работно време од 7 до 15 часот

Со петиција адресирана до Владата, Совет на град Скопје, повеќе други институции и група граѓани преку change.org  бараат воведување работно време од 7 до 15 часот.

Активистите укажуваат дека со промена на работното време ќе се добие поголема посветеност на работата, бидејќи човековото тело и ум е поефикасно во утринските часови.

Според нив ќе се добие и поголема заштеда на електричната енергија (во лето за ладење, а во зима за греење) и поголема посветеност на семејството, а посебно со цел поголема улога и одговорност во правилното воспитување на сопствените деца, како и повеќе време за факултативни активности и хобија, што ќе овозможат подобрување на општата здравствена состојба на вработените.

Извор: еМагазин