Собранието нема кворум за да изгласа продолжување на кризната состојба | Правдико

Правдико

   

Собранието нема кворум за да изгласа продолжување на кризната состојба

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Поради немање кворум и присуство на само 58 пратеници, пратениците за утврдениот дневен ред од 20 точки само расправаат, но не гласаат, затоа што за носењето поважни одлуки потребно е да има 61 присутен пратеник во салата. Така, на денешната седница не беше изгласана одлуката за продолжувањето на кризната состојба со Ковид-19, не поминаа одлуките за избор на членови на Советот на јавни обвинители, како и други одлуки и предлог-закони.

Откако собранискиот спикер, Талат Џафер, ги повика пратениците да гласаат за предлогот за продолжување на кризната состојба, се утврди дека 57 пратеници се изјасниле „за“, без воздржани и против. По пребројувањето на присутните од страна на собраниските служби, се утврди дека во салата има еден пратеник повеќе од тие што гласале.

„Гласањето е поништено, во салата има 58 пратеници. Гласањето ќе се повтори кога ќе се создадат услови за оваа точка“, констатираше спикерот Џафери.

Со истото темпо продолжи текот на седницата, при што предложените законски решенија се разгледуваат, но не се гласа за нив. На денешната седница нема ниту интерес за расправа. Речиси сите точки од дневниот ред поминаа на разгледување, без пријавени пратеници. Единствено Законот за попис предизвика интерес кај пратениците, по кој моментално се расправа, но најверојатно ниту за него нема да има гласање, доколку во салата нема доволен број пратеници.

Пратениците требаше да се изјаснат по предлог-измените за повеќе закони, меѓу кои за Законот за домување, за извршување на буџетот за 2021, за безбедност на патиштатата, за социјална заштита, за државјанство.

Извор: Макфакс

Партнери на Правдико