Советот на ЕУ го потпиша договорот со Северна Македонија за соработка со Фронтекс | Правдико

Правдико

   

Советот на ЕУ го потпиша договорот со Северна Македонија за соработка со Фронтекс

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Советот на Европската унија (ЕУ) денеска ја усвои одлуката за потпишување на договорот за гранично управување (Фронтекс) меѓу ЕУ и Северна Македонија. Договорот сега треба да биде одобрен од страна на Европскиот Парламент.

Како што јавува новинската агенција МИА, декларацијата е усвоена со употреба на формулцијата македонски јазик како што е случај за сите други земји од регионот кои имаат договор со агенцијата Фронтекс.

Досега овој договор беше блокиран од страна на Бугарија поради употребата на зборовите македонски јазик.

Чешкиот министер за внатрешни работи, Вит Ракушан, ја поздрави одлуката на Советот, истакнувајќи дека ЕУ и Западен Балкан се соочуваат со заеднички миграциски предизвици и единствен начин да се решат е преку заедничко делување.

„Договорот со Северна Македонија е важен чекор во оваа блиска соработка. Ќе му овозможи на Фронтекс да пружа конкретна поддршка на терен, во корист и на Северна Македонија и на ЕУ, изјави тој.

Европскиот Парламент треба во најбрз можен рок да даде зелено светло за да може и официјално Скопје и Брисел да го потпишат договорот на 20 октомври.

Откако ќе стапи на сила Фронтекс ќе може да биде повеќе инволвиран во управувањето со границите во Северна Македонија во однос на миграциските текови и борбата против “илегалната миграција“.

ЕУ смета дека зајакнувањето на контролите на македонските граници ќе помогне да се подобри безбедноста на границите на ЕУ.

Извор: Радио слободна Европа

Препорачуваме

Партнери на Правдико