Советување на тема “Новините во законот за парнична постапка со посебен осврт на доказната постапка”

Академијата за судии и јавни обвинители „Павел Шатев“ организира советување на тема „Новините во Законот за парнична постапка со посебен осврт на доказната постапка“, кое ќе се одржи на 23 февруари 2016 година (вторник), во просториите на Академијата, со почеток во 10:00 часот.

Советувањето се организира за судиите и советниците/судските соработници од граѓанските оддели на судовите и адвокати од апелационото подрачје Скопје.

Предавачи на советувањето ќе бидат судија Јованка Никодиновска од Апелациониот суд Скопје и судија Антоанета Димовска од Основниот суд Скопје 2.

Во рамките на советувањето ќе бидат разгледани новините во Законот за парнична постапка од 2015 година со фокус на доказната постапка.

Целта на советувањето e размена на мислења и искуства како и разјаснување на дилемите кои се појавуваат во судската практика во врска со најновите измени на Законот за парнична постапка.

Сите адвокати кои се заинтересирани да земат учество, задолжително да се пријават во Адвокатската комора на Република Македонија на е-маил: lawyermk@mba.org.mk.