Спречен напад во Москва, уапсени припадници на Исламската држава

Руската Федерална служба за безбедност (ФСБ) уапсила терористи кои биле поврзани со “Исламската држава“ и кои планирале напади на јавен превоз во Москва.

Станува збор за граѓани на Русија и од земја од Централно-азискиот регион.

При претрес на нивните станови се пронајдени импровизирани експлозивни направи, како и лабараторија за нивно производство, пренесува “Спутњик“.

Исто така се пронајдени и авотоматски пушки, муниција, како и екстремистичка литература.

Четворицата терористи планирале по извршувањето на терористичкиот напад да ја напуштат Русија и да одат во Сирија за да учествуваат во борбени дејствија на страната на “Исламската држава“.

Извор: Макфакс