ССК бара државните анти ковид мерки да траат најмалку до април | Правдико

Правдико

   

ССК бара државните анти ковид мерки да траат најмалку до април

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Сојузот на стопански комори (ССК) смета дека економските мерки за поддршка на стопанството и намалување на штетните последици од кризата потребно е да имаат континуитет бидејќи, како што соопштија денеска од Сојусот, само така може да се одржи економската активност на што поголем број правни субјекти и да се избегне загубата на работни места.

„Дисконтинуитетот во доделување на поддршката може да доведе до намалување на постигнатите ефекти и до забавување на излезот од кризата. Деловните субјекти во земјава особено малите и средни претпријатија се уште се наоѓаат во исклучително тешка состојба, некои се уште со рестрикции во вршење на дејноста, но и оние кои можат да работат се соочуваат со намалена потрошувачка, откажани нарачки и пласмани“, се наведува во денешното соопштение од ССК.

Според Сојузот, приоритетни мерки се продолжување на финансиската помош за исплата на плата, неповратната финансиска помош, како и бескаматните кредити. Од ССК велат дека реалниот сектор очекува овие мерки да продолжат и да траат најмалку до април.

Извор: Радио слободна Европа

Препорачуваме

Партнери на Правдико