Правдико

   

Стафансон: Потребно е да се обезбеди продолжување на истрагите на СЈО

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Амбасадорот на Шведска, Матс Стафансон, денеска се сретна со специјалната јавна обвинителка Катица Јанева и нејзините соработници. Стафансон пренесе дека шведската влада високо ја вреднува работата на СЈО и нагласи дека продолжувањето на досегашните истраги, обвиненија и случаи треба да биде обезбедено.

„Договорот од Преспа со Грција, кој беше неодамна ратификуван, еднаш засекогаш го решава долгогодишното прашање за името покажувајќи му на светот дека Балканот може да генерира стабилност и позитивна енергија. Сепак, сè уште постои силна потреба за справување со корупцијата на високо ниво и за истражување на многуте индикации за злоупотреба на моќ, кои произлегуваат од снимените комуникации. Во овој контекст СЈО мора да ја задржи својата круцијална улога преку осигурување на своите капацитети и независност. Бидејќи има јасно влијание врз ЕУ-перспективата на Северна Македонија, политичките партии и Собранието би требало да го решаваат ова прашање со огромна итност“, рече Стафансон.

Извор: Макфакс

Партнери на Правдико