Субвенциониран студенски оброк ќе се продолжува и за академската 2022/2023 година

Со Законот за субвенциониран студентски оброк се уредува правото на студентите за субвенциониран студентски оброк како и начинот и критериумите за субвенционирање. Со оглед дека по измените и дополнувањата на овој закон од 2021 година успешно се врши исплата на средства за субвенциониран студентски оброк на околу 31.000 студенти, потребно е важноста на овие законски решенија да се продолжи за уште една академска година и тоа за 2022/2023 академска година. Токму ова се и причините за донесување на Законот за изменување на Законот за изменување и дополнување на Законот за субвенциониран студентски оброк.

Измените во Законот за изменување на Законот за изменување и дополнување на Законот за субвенциониран студентски оброк се вршат со цел да се продолжи со исплатата на овие средства во насока на подобрување на стандардот на студентите.