Судот ги ослободи од обвинение браќата од Велес во случајот „Ореше“

Судот во Велес ги ослободи браќата Ордан и Љупчо Георѓиевски, кои беа обвинети дека го убиле 72-годишниот старец од велешкото село Ореше. Во случајот кој траеше речиси една деценија, познат во јавноста како „Ореше“, зад решетки завршија судии, обвинители, адвокати, како и судија од Врховниот суд и новинарот Томислав Кежаровски.

Во обвинителната пресуда пишуваше дека Ѓоре Петровски сакал да му се одмазди на убиениот Лазо Милошевски бидејќи сметал дека пред повеќе години пукал во него и го ранил. За ова Петровски телефонски ги најмил браќата Ордан и Љупчо Ѓоргиевски, кои беа обвинети дека го извршиле убиството за 20 илјади долари.

Извор: Макфакс