Приведени се 25 лица од Основниот суд Скопје 1- оддел за прекршоци, од кои 14 судии, поради несовесно работење во службата со што го оштетиле буџетот на државата за околу 68 милиони денари.

Сомнението е дека во текот на 2010 година, до нив биле доставени предмети -барања за поведување на прекршочна постапка, кои биле земени во работа во текот на 2012/13 година. По предметите биле донесени пресуди со определени парични казни, а не биле доставени на извршување, се наведува во соопштението на Јавното обвинителство.