Таравари: Инспекциите ќе продолжат за време на викендот

Ненајавените инспекциски надзори во скопските клиники ќе продолжат и во текот на викендот, како и во тек на следната недела, изјави министерот за здравство, Арбен Таравари, кој доцна синоќа испрати ненајавена инспекција на клиниките за Гинекологија, Трауматологија, Ортопедија, Ургентниот центар и на Институтот за белодробни заболувања.

„Предвидено е да се изврши надзор во сите универзитетски клиники, како и во други јавни здравствени установи низ државата. Целта е одблиску да се увиди состојбата во установите и да се донесат конкретни мерки, доколку се воочат определени недостатоци“- вели министерот Таравари.

Извор: Макфакс