Техничкиот Комитет за Медиуми на CISAC со Резолуција за новите измени на Законот за авторското право во РМ

На Техничкиот Комитет за Медиуми одржан во Дубровник  од 15-16.10.2015 год беше донесена Резолуција по однос на Измените и дополнувањата на Законот за авторскот право во Македонија со која се повикуваат надлежните органи во Македонија да ги укинат штетните измени и дополнувања на ЗАПСП.

Во резолуцијата се наведува дека  измените и дополнувањата на Законот за авторското право и сродните права ги прекршуваат меѓународните правила за авторски права, како што е утврдено во МРО, Бернската конвенција, ТРИПС спогодбата на Светската трговска организација, Спогодбата за авторското право на ИЛРО и директивата за информатичко општество на ЕУ (2001/29/ЕС).

Се повикуваат  надлежните органи во Македонија итно да ja исправат ситуацијата со укинување на горенаведените измени и дополнувања, со што ќе гарантираат дека Македонија ќе продолжи да ги исполнува своите меѓународни обврски во авторските права.

Се потенцира дека  ефективнита и силна авторско правна заштита претставува лакмусов тест за аспирациите на членство на Македонија во ЕУ.

Резулуцијата можете да ја превземете ТУКА