Тодоров: Од денеска во продажба масло од канабис | Правдико

Правдико

   

Тодоров: Од денеска во продажба масло од канабис

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Реализиравме уште едно значајно ветување за унапредување на здравствената заштита на граѓаните. Од денеска, во аптеките во земјава е достапно масло од канабис кое се издава без лекарски рецепт, објави денеска на својот фејсбук-профил министерот за здравство, Никола Тодоров.

todorov-nikolic

„Со оваа новина излеговме во пресрет на барањата на граѓаните и на стручната јавност, чии забелешки, мислења и сугестии имавме можност да ги слушнеме на одржаните јавни дебати на оваа тема, а потоа ги вградивме во законско решение во март годинава. Според меѓународните искуства, станува збор за масло од канабис кое може да има позитивни ефекти при состојби на стрес, анксиозност, нервоза, депресија, може да се користи против симптоми на гадење и на повраќање, помага во одржување на балансот на цревната флора и генерално може да помогне во подобрување на имунолошкиот систем кај човекот. Токму затоа, ова масло се наоѓа во слободна продажба и е достапно за секој човек без лекарски рецепт. Исто така, докажано е отсуство на пестициди и на хербициди во производот, добиен со екстракција на ниска температура без употреба на органски растворувачи, што значи дека се работи за маслен екстракт од највисок квалитет. Сепак, особено е важно да се знае и да се има предвид дека ова масло не може да биде замена за стандардна терапија доколку за одредена медицинска состојба истата е препорачана од доктор“, пишува Тодоров на својот профил на „Фејсбук“.

Препорачуваме

Партнери на Правдико