Тошта излезе од притвор

Александар Јаневски – Тошта, обвинет за обид за убиство на пратеникот Зијадин Села излезе од затворот во Шуто Оризари, потврди за „Макфакс“ адвокатот на Тошта, Бојан Ваневски.

Кривичниот совет на Основниот суд Скопје 1 ја прифатил жалбата на адвокатот на Тошта кој навел дека на неговиот клиент сериозно му е нарушена здравствената состојба откако на претходното судско рочиште му се слоши во судницата, па беше пренесен во Градската општа болница „8 Септември“.

Јавното обвинителство на минатото рочиште се откажа од кривично гонење за еден обвинет, а за двајца го промени обвинението и ним им се суди за насилство. Останатите седум обвинети, меѓу кои и Тошта, се обвинети за обид за убиство на Села.

Извор: Макфакс