Триста членови на Фронтекс и 15 бродови пристигнаа во Грција

На грчките острови се распоредени 293 припадници на Агенцијата за контрола на надворешните граници на ЕУ (Фронтекс), како и 15 бродови во Атина кои ќе помогнат да се справат со притисокот на мигрантите.

Распоредувањето следи по барање на Грција, но е помало од тоа што грчката влада се надеваше.

Број на членови на Фронтекс ќе биде повремено зголемен на 400 – се вели во соопштението на = Фронтекс.

Во рамките на операцијата за брза интервенција која се нарекува “Посејдон” ќе биде испратена и дополнителна техничка опрема и бродови, се додава во соопштението.

Според проценките на Фронтекс, вкупниот број на бегалци кои доаѓаат до грчките острови во декември ќе достигне околу 80.000.