Правдико

   

Тројца осомничени за кражби на дрзок начин на гостиварскиот пазар

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Основното јавно обвинителство Гостивар отвори постапка против три лица, осомничени за две кривични дела – Тешка кражба од член 236 став 1 точка 3 во врска со член 22 од Кривичниот законик.

Осомничените, од кои еден државјанин на Република Северна Македонија и двајца државјани на Република Косово, на 29 октомври, со возило марка Фолксваген голф 4 со косовски регистарски таблици се паркирале во близина на Градскиот пазар во Гостивар. Пеш се упатиле кон пазарот и во погодна прилика, од задниот џеб на едно оштетено лице украле паричник со лични документи и банкарска картичка.

Истиот ден, на истиот начин, осомничените и од друго оштетено лице одзеле паричник во кој имало околу 5.000 денари, две картички од трансакциски сметки и други лични документи. При обидот да избегаат од местото, тие биле забележани и сопрени од страна на полициски службеници.

По предлог од надлежниот јавен обвинител , Основниот суд во Гостивар на осомничените им определи притвор во траење од осум дена.

Партнери на Правдико