Правдико

   

Цариник вработен во Сектор за контрола и истраги го посетил Груевски во Будимпешта

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Уште едно лице вработено во Царинската управа, поточно во Секторот за контрола и истраги било во посета на осудениот бегалец, Никола Груевски, кој доби азил во Унгарија и во моментов се наоѓа во престолнината Будимпешта. Лицето и неговиот колега Александар Трајковски, кој исто така беше во посета на експремиерот, се опфатени во истрагата за бегството на Груевски.

Цариникот е идентификуван откако беше фотографиран со Груевски од страна на унгарскиот портал „24.ху“, додека седат во еден елитен ресторан. Цариникот, користел два дена одмор и еден слободен ден во периодот кога престојувал во Унгарија со Груевски.

Директорот на Царинска управа, Ѓоко Танаскоски, кажа дека не може да ги спречи неговите вработени да си патуваат, а за посетата на двајца службеници во Будимпешта се врши истрага.

„Против второто лице кое беше во Будимпешта, се водат и други истраги“, посочи директорот. Неофицијално, вториот цариник е осомничен и во рамки на друга истрага, поврзана со шверцување на стоки, а се товари за злоупотреба на службена должнсност.

„Ние може да побараме од другите служби кои постапуваат да проверат дали има кршење на условите“, додаде тој, посочувајќи дека првиот царински службеник кој беше да го посети Груевски во Будимпешта, Александар Трајковски, исто така доаѓа на работа, а истрагата за него е во тек. Од Царинската управа посочуваат дека досега немало дисциплински потапки против овие двајца вработени.

Екипа на унгарскиот портал „24.ху“ пред две недели го лоцираше бегалецот Никола Груевски во Будимпешта како руча во познат и скап унгарски ресторан. Груевски не бил сам, него го придружувале неколку лица, а имал и личен возач. Експремиерот не одговараше на прашањата од новинарот дали Унгарија му помогнала во бегството и како успеал да избега од Македонија.

Извор: Макфакс

Партнери на Правдико