Централен регистар со нов интегриран производ – Потврда од залог и лизинг

Централниот регистар на Република Македонија ги информира граѓаните дека од 04.04.2017 година, преку системот за е -потврди и интернет дистрибутивниот систем на Централен регистар на Република Македонија, се воведува можност за користење на новиот производ – потврда од залог и лизинг.

Интегрираната потврда за издадена информација за залог и лизинг содржи податоци за регистрираните документи од заложниот регистар и регистарот за лизинг (за заложниот должник и корисникот на лизинг). Потврдата ќе се изготвува исклучиво преку системот за е – потврди, по критериум ЕМБГ за физичко лице и ЕМБС за правно лице. Истата ќе се наплаќа 505,00 денари.

Потврдата, корисниците можат да ја побараат во хартиена и електронска форма.