Цензурирани со закон 4 пцовки во Русија

Објавено: 27/12/2013

И печатените и дигиталните руски медиуми се известени дека четири збора веќе нема да може да се појавуваат во нивни текстови и коментари на читатели.

Тие медиуми што нема да ја почитуваат листата на забранети зборови ќе ја загубат лиценцата, јавуваат руски медиуми.

Листата е составена од Федералната надзорна агенција за технологија и комуникации Рооскомнадзор.

Во неа се вметнати „вулгарни термини за машки и женски гениталии, вулгарни термини за сексуални односи и жени со лесен морал како и изведенки од тие зборови“.

Сите останати ескплицитни зборови и фрази се дозволени доколку содржината се означи со „возраст-граница“ – 16+.

Во Телевизиите и радијата тие зборови ќе може да се користат по 21 часот.

Доколку забранетите зборови бидат забележани во текст, медиумската куќа ќе добие предупредување – две предупредувања во една година веќе ќе значат губење на лиценцата.

Листата на Роскомнадзор се појави по законот со кој се забранува користење пцовки во мас-медиумите.

Извор: 24 Вести