Правдико

   

Ципрас: Не притиснаа на ваков договор, но ќе избегнеме „Грегзит“

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Резултатот од самитот во Брисел е резултат на притисок извршен врз земјата, но договорот кој ќе се постигне ќе и овозможи на Грција да избегне грегзит и ќе ја стави земјата на одржлив пат, изјави грчкиот премиер Алексис Ципрас во интервју за ЕРТ.

cf229c6d-1b72-434b-ab82-8ad2c1f20c5a-23229mala

„Минатата ноќ беше лоша ноќ за Европа“, рече Ципрас коментирајќи го самитот кој заврши во понеделникот наутро во Брисел, додавајќи дека начинот на кој другите се занимавале со Грција „не ја почитувал традицијата на демократска Европа“.

„Се обидов со силата на целата моја душа да добијам колку што можам повеќе… Резултатот од средбата на врвот и на Еврогрупата е резултат на притисок врз земјата да им задоволи на желбите на помоќните земји во Европа“, рече Ципрас.

Тој појасни дека, сепак, изборите кои и биле презентирани на Грција биле или договор под овие услови, или банкрот и на крајот излез од еврозоната.

„Добивме договор кој вклучува тешки реформи, но не вклучува целосен ќор-сокак на ултиматумот кој ни беше презентиран во јули“, рече грчкиот премиер.

Ципрас призна дека одлуката не била лесна за неговати 18 колеги, но сите биле фокусирани на надеж за договор, со кој ќе се обезбеди финансирање на земјата и покривање на обврските за заемите на среден рок.

„Сега го имам овој резултат, но исто така, имаме 82 милијарди евра, покривање на среднорочните потреби за заеми на нашата земја и јасна заложба во блиска иднина да се разговара за реструктуирање на долгот од 2022 година“, истакна тој.

Ципрас, исто така, рече дека договорот ќе обезбеди докапитализација на кредиторите на Грција и инвестициска програма во вкупна вредност од 35 милијарди евра.

„Тоа е комбинација која – ако се постигне – ние би можеле да избегнеме грегзит и да се обезбедат изгледи за опоравување на Грција“, нагласи грчкиот премиер.

Извор: еМагазин

Партнери на Правдико