Црногорскиот парламент го усвои законот за потврдување на договорот за стапување во НАТО

Црногорскиот парламент го усвои во среда Законот за потврдување на Северноатлантскиот договор со кој се обезбедуваат услови за стапување на Црна Гора во НАТО.

За усвојување на Законот гласаа 46 пратеници.

На седницата одржана во Цетиње, од опозицијата присуствуваа само пратениците од Социјалдемократската партија.

По донесувањето и стапувањето во сила на Законот, Црна Гора ќе го достави својот инструмент на потврдување на договорот до Владата на САД, која е депозитар на документот.

Датумот на прием на тој инструмент за потврдување ќе биде датум на стапување на Црна Гора во НАТО.

Извор: Макфакс