Турската полиција уапси 400 џихадисти

Турската полиција уапси околу 400 лица осомничени дека се членови на терористичката група Исламска држава. Осомничените терористи биле приведени во голема операција на повеќе локации во Турција, а меѓу уапсените има и странци осомничени за планирање напади, пренесува АФП.

Во операцијата во Анкара турската полиција уапсила најмалку 60 лица. Повеќето од приведените се странски државјани. Во одделни акции во неколку кварта на Истанбул и во округот Коџаели, во северозападна Турција, уапсени се 18 лица осомничени за врски со ИД.

Полициски извори изјавиле дека имале сигурни информации оти осомничените подготвуваат терористички напад.
Вкупно 46 осомничени членови на ИД, меѓу кои и странски државјани, биле приведени во полициската операција во округот Бурса, во северозападна Турција.

Извор: Нова Македонија