Турција нареди апсење на 85 вработени во министерства

Властите во Турција издадоа потерница за 85 вработени во Министерството за енергетика и во Министерството за образование, против кои е покренато обвинение поврзано со истрагата за мрежата на  проповедникот Фетулах Ѓулен, кој живее во САД, а Анкара го посочува како организатор на неуспешниот обид за државен удар од јули 2016 година, пренесува Ројтерс повикувајќи се на извештај  на ЦНН Турк.

Во моментов нема дополнителни информации околу издадена потерница од страна на  властите. Таа доаѓа само ден откако судот  го затвори онлајн уредник на опозицискиот весник Ѓумхириет, кој исто така го чека судски процес поведен по обвинение за ширење терористичка пропаганда.

Извор: Макфакс