Турција: Се закануваат тешки затворски казни за новинари за објавување на фотографија

Турското обвинителството побара затворски казни во траење од седум години затвор за 18 новинари обвинети за терористичка пропаганда за објавување на фотографии на кои екстремистите држат пиштол на главата на обвинителот убиен во март.

Новинската агенција Анадолија синоќа соопшти дека канцеларијата на обвинителот во Истанбул побара казна затвор за новинари, вклучувајќи го Кан Дундар, главен уредник на опозицискиот весник Чумхуријет (Република), пренесува Бета.

Обвинителниот акт сеуште не е потврден од страна на судот.

На контроверзните слики прикажани се екстремисти на забранетата левичарска група кои држат пиштол на главата обвинител Мехмет Селим Кираза.

За време на нападот, Турција неколку часа, поради овие слики ги блокираше социјални мрежи како Твитер и Јутјуб.

Кираз почина откако подлегна на повредите здобиени кога безбедносните сили ги нападнаа екстремистите.