Правдико

   

Уапсени 59 демонстранти во судирот со полицијата во Либан

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Либанската полиција соопшти дека уапсила 59 лица во судирот со демонстрантите пред зградата на Централната банка во Бејрут, кои се незадоволни од владејачката елита и влошената финансиска криза во земјата.

 

Судирите траеле повеќе од пет часа при што биле повредени 47 полицајци, соопштија безбедносните сили, додавајќи дека некои демонстранти ги кршеле прозорците на приватните банки во финансиската област на либанската престолнина.

Вчера демонстрантите протестираа пред зградата на централната банка во населбата Хамра, обвинувајќи го гувернерот дека со својата политика само ги продлабочил финансиските проблеми во земјата, пренесува АП.

Протестот ескалираше во насилство кога демонстрантите се обидоа да пробијат полициски кордон пред установата.

Полицијата фрлила големо количество солзавец за време на неколкучасовните судири, при што демонстрантите возвратиле со каменици и петарди.

Синоќешните судири го означија крајот на затишјето на протестите во Либан кои траат три месеци.

Извор: Макфакс

Партнери на Правдико