Уапсени полицајци поради грабеж вреден 300 илјади евра

БАЊА ЛУКА – Шест членови на специјалната полиција на Република Српска уапсени за грабеж на оклопно возило од компанијата “Sector Security” во септември минатата година на автопатот Бања Лука-Градишка, кога украдени 600.000 марки (300.000 евра).

Се работи за пари од “Уникредит банка”, кои требаше да се транспортираат до седиште во Загреб.

Како што соопштува Алтернативна телевизија, уапсењата на активните членови на специјалната полиција на РС се случиле минатата ноќ , а еден од нив “падна” на полиграф, додека двајца одбија да се тестираат.

На автопатот Бања Лука-Градишка, тие пресретнале оклопно возило од компанијата “Sector Security”, а во пукањето што се случи беа користени автоматски пушки и ракетен фрлач.

Во пукањето е повреден еден член на “Sector Security”.

Aвтомобилот “Ауди А6”, кој беше користен во грабежот, е пронајден два дена подоцна сокриени во шумата, блиску до местото на настанот.

Уапсените припадници на специјалната полиција ќе бидат задржани 24 часа во полиција, а потоа обвинителот ќе предложи мерки.