Уапсени тинејџери кои планирале вооружен напад врз училиште во Русија | Правдико

Правдико

   

Уапсени тинејџери кои планирале вооружен напад врз училиште во Русија

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Руската Федерална служба за безбедност (ФСБ) уапсила двајца 14-годишни тинејџери кои планирале вооружен напад врз училиште во Саратов, изјави за ТАСС прес-службата на ФСБ.

„Осуетениот напад беше организиран од двајца руски државјани родени во 2005 година, кои учествувале во разни интернет-групи кои промовираат масовни убиства и самоубиства. Тинејџерите беа откриени во напуштена скривница во која чувале скратена сачмарка“, информираат од прес-службата.

Покрај тоа, според ФСБ, тинејџерите планирале да користат импровизирани поттикнувачи на пожари што ги направиле со упатства преку интернет. Еден од притворените тинејџери сакал да убие околу 40 лица како одмазда, изјавил неговиот соучесник.

Рускиот истражен комитет во регионот Саратов отвори кривична истрага според членовите 30.1 и 105.2 од рускиот Кривичен законик (заговор за убиство на две или повеќе лица).

Извор: Макфакс

Партнери на Правдико