Убиен портпаролот на Исламска држава

Портпаролот на милитантната група Исламска држава, Абу Мохамед ал-Аднани, еден од ветераните на ИД, убиен е во Алепо во Сирија, соопшти синоќа новинската агенција „Амак“, блиска до терористичката организација.

„Амак“ јавува дека Аднани е убиен додека бил во инспекција на воените операции во Алепо, на северот на Сирија.

ИД држи територии во покраината Алепо, но не и во истоимениот град, каде бунтовниците се борат против силите на сириската влада.

Пентагон засега не ја потврдува смртта на Ал Аднани, но соопшти дека коалициските сили спровеле „прецизен напад“ на цели во близина на Ал Баб, сириски град покрај турската граница.

– Вршиме проценка на резултатите од нападот, но отстранувањето на Ал Аднани од бојното поле ќе биде уште еден значаен удар за ИД – рече портпаролот на Пентагон, Питер Кук.

Извор: Мета