Украдени 40.000 долари од приватен сеф во Комерцијална банка

Непознато лице украло 20.000 канадски долари, односно 40.000 долари од приватен сеф во Комерциајлна банка, филијала во Битола.

Кражбата се случила во периодот од 26 мај до 21 октомври кога ја пријавил полномошникот по овластување на корисникот на сефот, педесет и тригодишен маж кој живеел во Канада.

Сторителот на непознат начин и без оштетување го отворил сефот и одзел два бели коверти во кои имало по 20.000 канадски долари, односно вкупно 40.000 долари, сите во апоени од по 100 долари.

Полномошникот на сефот забележал дека ги нема ковертите кога по пропишаната процедура му било дозволено да има пристап до сефот.

Пријавителот за тоа го информирал и директорот на банката. Во консултација со Јавен обвинител увид бил извршен пред два дена. Се преземаат мерки за пронаоѓање на сторителот и за целосно расчистување на случајот.

Извор: Макфакс