Украдени 65 милиони евра во биткоини – тргувањето стопирано

Главната Bitcoin берза со седиште во Хонг Конг го суспендира тргувањето, откако хакери, наводно, украле $ 65 милиони од виртуелната валута, што предизвика колапс на вредностите и дигитални валута од над 20 проценти.

Берзата Bitfineks соопшти дека ги суспендира сите трансакции откако беше откриено дека на некои клиенти им биле украдени Биткоини, пренесува АФП.

“Денес откривме дека е пробиен системот за безбедност поради што моравме да го прекинеме тргувањето , да се запрат сите депозити преку токени, како и повлекувањата средства од Bitfineks”, се додава во соопштението објавено синоќа на веб страницата на берзата.

“Спроведуваме истрага поврзана со пад на системот за да се утврди што се случило … Ние ќе разгледаме различни опции за решавање на проблемот и со загубите на клиентите во текот на истрагата”, се вели во соопштението.

Компанијата побара трпение за време на истрагата.

“Блумберг њуз” објави дека хакерите од платформа зеле 119.756 биткоини, или околу $ 65 милиони евра по тековни цени.