Унгарскиот министер за правда: Унгарија не може да го екстрадира Груевски, тој може да добие патнички документи | Правдико

Правдико

   

Унгарскиот министер за правда: Унгарија не може да го екстрадира Груевски, тој може да добие патнички документи

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Унгарскиот министер за правда, Ласло Трочањи, за телевизијата „Еко“ изјави дека Никола Груевски може да аплицира за патнички документи како бегалец и потоа да ја напушти Унгарија. Министерот тврди дека Унгарија не може да го екстрадира Груевски во Македонија бидејќи тој добил азил врз основа на неговите укажувања дека против него се водат фабрикувани судски постапки.

Министерот Трочањи додаде дека не го прочитал објаснувањето за азилот на Груевски, но дека истовремено не е изненаден што му е одобрен азил бидејќи, како што вели, „ако поранешен премиер е во затвор, тоа може да биде тешка ситуација за него“.

Интернет-порталот „24.ху“ пишува дека според тоа што Груевски добил статус на бегалец, унгарската влада признала дека Македонија не е безбедна држава. Според истиот медиум, македонската Влада може да поднесе тужба против Унгарија пред Меѓународниот суд во Хаг поради, како што велат, кршење на Конвенцијата за дипломатски односи.

Извор: Макфакс

Препорачуваме

Партнери на Правдико