УПОЗ го стави штрајкот на вработените во судската администрација во мирување | Правдико

Правдико

   

УПОЗ го стави штрајкот на вработените во судската администрација во мирување

© Copyright 2022 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

По речиси два месеци на улица, судските работници одлучија да го стават во мирување штрајкот на судовите во земјава. Ваквата одлука е донесена од Синдикатот на вработените во управата, правосудните органи и здруженија на граѓани и Здружението на судска администрација.

protest-sudska-administracija-860x6801 (1)

„Според Законот за судовите, според кој годишните одмори почнуваат од 15 јули и траат до 15 август, за кој период се извршуваат само нужни работи, помалку отколку за време на штрајк, УПОЗ и ЗСА одлучија дека во овој период штрајкот ќе мирува. Но, тоа не значи дека прекинува и датумот на неговото продолжување ќе биде дополнително утврден“, се вели во соопштениетo на УПОЗ и на ЗСА.

Оттаму велат дека доколку штрајкувачите во меѓувреме се соочуваат со притисоци и со закани од судската власт, штрајкот веднаш ќе се активира и ќе продолжи со поголем интензитет.

На последниот состанок меѓу УПОЗ и ЗСА, како што информираат, било констатирано дека судската и извршната власт и понатаму се незаинтересирани за дијалог и за наоѓање решение за барањата на штрајкувачите.

„Судската и извршната власт со нивниот игнорантски однос кон штрајкот и кон барањата на штрајкувачите во изминатите 58 дена, како и со незаконското казнување со намалување на нивните плати од 40 отсто, создадоа невиден хаос во судовите и сакаат да предизвикаат поделеност за да го скршат штрајкот“, се вели во соопштението.

Извор: Мета

Препорачуваме

Партнери на Правдико