УПОЗ: Кратењето на платите на судската администрација е неприфатливо

Синдикатот на УПОЗ регира дека неприфатлива и противзаконска е одлуката на судскиот буџетски совет да се изготви нова пресметка на плата со која на сите вработени кои штрајкуваат ќе им се исплати плата во висина од 60 проценти, велат од синдикатот.

Синдикатот на УПОЗ и здружението за судска администрација испратиле допис до сите претседатели на судовите во кој им укажуваат дека доколку издадат писмени наредби за задршка на 40 проценти од платата, а не поединечни решенија за штрајкувачите, ќе извршат кривично дело, а за тоа ќе биде известена и државната комисија за спречување на корупција.

Штрајкот на судската администрација кој започна во средината на мај, сеуште трае а едно од барањето е зголемување на платите.