Уште една седмица за пријавување на приходите во УЈП

Наближува крајниот рок за поднесување на Годишна даночна пријава 15-ти Март, граѓаните имаат уште една седмица да ги пријават приходите во Управата за јавни приходи.

Потсетуваме дека работното време на даночните канцеларии на УЈП е:

1. секој работен ден од 08.30 до 18.00 часот и сабота од 08.30 до 14.00 часот

– Регионалните дирекции (Скопје, Битола, Прилеп, Штип, Струмица и Тетово);
– Дирекција за големи даночни обврзници Скопје (зграда на ССМ)
– Даночни одделенија (Охрид, Струга, Ресен, Кавадарци, Велес, Неготино, Куманово, Крива Паланка, Кочани, Виница, Свети Николе, Берово, Гевгелија, Радовиш, Гостивар, Кичево и Дебар) .

2. секој работен ден од 08.30 до 16.30 часот

– Даночни шалтери (Демир Хисар, Македонски Брод, Крушево, Кратово, Делчево, Пробиштип и Валандово); и
– Мобилните даночни шалтери (види возен ред http://www.ujp.gov.mk/mk/otvoreni_povici/pogledni/316)

За точна адреса, локација и работно време на даночните канцеларии, види и http://www.ujp.gov.mk/mk/kontakt

Корисни информации

• Брошура „Годишна даночна пријава за утврдување на персоналниот данок на доход“ (види http://www.ujp.gov.mk/mk/publikacii/pogledni/2)