Уставен суд го укина Законот за одредување на казните

Уставниот суд на денешната седница донесе одлука да биде укинат Законот за одредување на видот и одмерување на висината на казната.

Судиите констатираа дека Законот е уставно проблематичен и затоа треба да биде укинат.

Одлуката за укинување на Законот за одредување на видот и одмерување на висината на казната, кој беше донесен во 2014 година, ќе стапи во сила по нејзиното објавување во Службен весник.

Според експертите, овој Закон врши категоризација на кривичните дела и се губат индивидуализацијата на казната и слободното судиско убедување. Исто така, правниците велат дека законот е контрадикторен и неусогласен со темелните вредности на Уставот.

Извор: Нова Македонија