Утре во Брисел ги чекаат сите партиски лидери

Еврокомесарот Јоханес Хан очекува конструктивна средба во Брисел со комплетната лидерска четворка и најавува отворање на прашања за кои досега не е дикутирано.

Брисел очекува четворицата партиски лидери да учествуваат на средбата со еврокомесарот Јоханес Хан.

Портпаролката Маја Коцијанчич, даде ваков одговор на новинарското прашање дали лидерот на СДСМ Зоран Заев го потврдил своето присуство.

„Убедени сме дека решението на политичката криза има голема важност и затоа ЕУ сака да помогне. Од големо значење е сите лидери да учествуваат на средбата. Што се однесува до темите за кои ќе се разговара, комсеарот Хан јасно наведе дека за некои прашања се постигна согласност, но и дека за многу прашања треба да се преговара. Затоа, очекуваме тоа да се случи на средбата во Брисел, во среда„, вели Коцијанчич.

Извор: еМагазин