Утврден идентитетот на напаѓачот од ноќниот клуб во Истанбул

Идентитетот на напаѓачот од ноќниот клуб во Истанбул е утврден, соопшти денеска шефот на турската дипломатија Мевлут Чавушоглу.

Напаѓачот, кој побегна после нападот во кој загинаа 39 лица и понатаму е во бегство.

Чавушоглу сепак не сакаше да го соопшти името на напаѓачот.

Досега 20 лица се приведени во рамки на истрагата за нападот кој се случи во ноќен клуб за време на новогодишна забава.

Истовремено, турската полиција денеска во Измир уапси пет осомничени припадници на Исламска држава поради сомнение дека се поврзани со терористичкиот напад, за кој одговорност презеде ИД.

Извор: Мета