Венецуела: Потврдена 14 годишната казна затвор на лидерот на опозицијата

Венецуелскиот Апелационен суд во петокот ја потврди 14-годишната затворска казна изречена на лидерот на опозицијата Леополд Лопез за поттикнување насилство за време на анти-владините протести во 2014 година, изјави неговиот адвокат.

Адвокат Хуан Карлос Гутиерес за АП изјави дека по три недели разгледување, судиите ја “потврдија првичната пресуда”.Лопез, поранешен градоначалник школуван на Харвард, ги негираше обвинувањата за поттикнување на насилство.Владини официјални лица тврдат дека Лопез беше зад бранот насилства во кои три лица загинаа, а десетици други беа повредени на протестите против владата на претседателот Николас Мадуро во февруари 2014 година.

Владини официјални лица претходно го обвинија Лопез дека соработува со владата на САД, со цел “во Венецуела да изврши државен удар.”Неговиот адвокат, по пресудата вчера на Апелациониот суд, објави дека случајот ќе се жали и пред Судскиот совет на Врховниот суд и во Обединетите нации.