Видео: Солзавец и апсење на 130 лица на протестите во Париз

Стотици студенти излегоа на улиците на Париз, поради промените во законот за работни односи, за кои тие сметаат дека ги намалуваат правата на работниците.

Француската полиција уапси 130 лица денес во Париз и употреби солзавец на стотици студенти, кои повторно излегоа на штрајк поради измените на законот за работни односи.

Полицијата соопшти дека “агресивна група” на млади лица, покриени со марами и капи, фрлале камења, јајца и шишиња врз полицијата.

Парламентот денес повторно ќе разговара за реформите на законот за работни односи, по серија штрајкови и протести, кои траат веќе еден месец.

Владата на францускиот претседател Франсоа Оланд, која се обидува да ја намали невработеноста, наведува дека со законот се поттикнува вработувањето, особено на младите луѓе, но синдикатите и студентите се чувствуваат дека се заканува на тешко изборената заштита на работниците.

Interpellation d’un manifestant contre #LoiTravail par #police bld Diderot #greve31mars pic.twitter.com/do315RrrLs

— Nicolas Rinaldi (@nicolasrinald1) March 31, 2016

Lancers de fumigènes contre gaz et grenade de #police à l’entrée de pl nation #greve31mars contre #LoiTravail pic.twitter.com/L9fqZMiEWP

— Nicolas Rinaldi (@nicolasrinald1) March 31, 2016