Правдико

   

(Видео) Царовска: Речиси 700 фантоми, кои немаат документи, ќе добијат граѓански статус

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Околу 700 лица, од кои повеќето деца, немаат извод од Матичната книга на родените и не се запишани никаде во системот, а со тоа немаат никакви социјални и здравствени права. Овој проблем ќе го решиме со предлог-законот што веќе го усвоивме во Владата, изјави министерката за труд и социјална политика, Мила Царовска, по средбата со граѓани од Шуто Оризари, кои го имаат овој проблем.

„Важно е дека во минатите 5-6 години се калкулира со разни бројки. Ние во проект од април до ноември 2018 вклучивме службеници и овластени лица, кои заедно ги попишаа овие лица и стигнаа до бројка од речиси 700“, изјави Царовска.

Таа нагласи дека со законските измени овие граѓани, кои се нарекуваат и фантоми, ќе стекнат својство на лице со посебен граѓански статус заради остварување право за образование, здравствена заштита, социјална заштита и вработување со задолжително социјално осигурување. Со ова, рече министерката, ќе се подобри и квалитетот на нивниот живот.

Министерката истакна дека ова е само прв чекор и се надева дека најбргу што може ќе се најде и трајно решение. Предлог-законот набргу ќе се најде на дневен ред во Собранието.

Извор: Макфакс

Партнери на Правдико