Власта и опозицијата постигнаа договор за реформите во судството | Правдико

Правдико

   

Власта и опозицијата постигнаа договор за реформите во судството

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Работните групи на власта и опозицијата ги усогласија ставовите во врска со реформските закони за судовите и за Судскиот совет.

Собраниската Комисија за политички систем и односи меѓу заедниците на седницата ги разгледуваше амандманите што се носат без дискусија.

За првата точка, за предлог-законот за изменување и дополнување на Законот за судовите, беа поднесени 14 амандмани, од кои седум беа прифатени.

Несогласувањата на владејачкото мнозинство и на опозицијата беа во однос на дисциплинската постапка за судиите.

Еден од клучните амандмани предвидува зголемување на основите за разрешување на судиите и тоа доколку не ги применуваат пресудите на Европскиот суд за човекови права и ако открива доверливи информации од процесите што ги работи.

Втората точка на дневен ред беше и предлог-законот за изменување и дополнување на Законот за Судскиот совет на РМ. По оваа точка беа поднесени осум амандмани и сите осум беа усвоени.

Овие два закона се дел од реформскиот пакет-закони што беше планирано да бидат донесени пред објавувањето на извештајот на ЕК за напредокот на Македонија.

На седницата присуствуваше и заменик-министерот за правда, Оливер Ристовски.

Како точки на дневен ред на денешната Комисија не се најдоа законите за кривичната постапка и јавно обвинителство бидејќи, како што дознава „Макфакс“, за овие закони власта и опозицијата не се усогласиле.

Виктор Јованов

Извор: Макфакс

Препорачуваме

Партнери на Правдико