Правдико

   

Внукот на Енвер Хоџа на суд поради шверц на кокаин

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Албански обвинител побарал внукот на комунистичкиот диктатор Енвер Хоџа и осуммина негови соучесници да бидат осудени поради шверц на кокаин за земјите од Западна Европа.

Обвинителот побарал од судот во Тирана Ермал Хоџа да биде осуден на 13 години затвор, а останатите, меѓу кои и двајца Колумбијци, да добијат казна затвор од 13 до 15 години.

Хоџа и останатите обвинети беа уапсени во јануари 2015 година под обвинение дека формирале криминална група за производство и шверц на кокаин за западноевропски земји. Полицијата кај нив заплени 120 килограми дрога, пари и оружје.

Ермал Хоџа е најстариот внук на Енвер Хоџа, кој управуваше со земјата од 1944 година па се до неговата смрт во 1985 година, пет години пред студентските протести да го соборат комунистичкиот режим во Албанија.

Извор: Нова Македонија

Партнери на Правдико