Во 2019 година земјите на ЕУ последен пат ќе ги поместaт стрелките на часовникот

Европската комисија денеска објави предлог за укинување на полугодишното поместување на стрелките на часовникот во ЕУ во 2019 година давајќи им слобода на земјите членки да одлучат сами дали сакаат да го задржат летното или зимското сметање на времето.

„Ние мора да престанеме со поместување на стрелките на часовникот“, рече Јункер додавајќи дека земјите членки ќе изберат дали ќе преминат на т.н. летно време цела година или ќе се вратат на она какво што беше пред воведувањето на летното сметање на времето (т.н. зимско време).

Вкупно 4,6 милиони луѓе учествуваа во истражувањето на Европската комисија спроведено од јули до август и повеќето од нив гласаа против поместувањето на стрелките на часовникот.

Извор: Макфакс