Во Белгија уапсени 16 лица поврзани со нападите во Париз

Белгиските власти соопштија дека синоќа во Брисел биле уапсени 16 лица во рамките на истрагата за терористичките напади во Париз на 13 ноември кога загинаа 129 луѓе, а над 350 беа ранети. Белгиското обвинителство денеска соопшти дека меѓу уапсените не бил и клучниот осомничен за тие напади Салах Абдесалам.

Притоа не е откриен идентитетот на други уапсени во акцијата во Брисел која се уште била во тек. Во Брисел и натаму е во сила вонредна состојба од највисоко ниво која е заведена, како што соопштија белгиските власти, поради сериозна закана од координирани напади на исламските екстремисти.

Извор: Радио слободна Европа