Во Гвантанамо останаа помалку од 100 затвореници

Помалку од 100 затвореници остануваат во Гвантанамо, бидејќи 10 од нив биле испратени во Оман, што е пресвртница во напорите овој затвор во кубанскиот залив да биде затворен,

Десет затвореници по потекло од Јемен добија одобрување за нивно преместување во Оман,така што во овој затвор остануваат помалку од сто луѓе, за прв пат откако беше отворен во јануари 2012 година.

Американски официјални лица изјавија дека одлуката за ослободување на затворениците претставува напредок кон целта на претседателот Барак Обама да го затвори затворот во Гвантанамо.

Специјалниот претставник на Министерството за надворешни работи Ли Волоски се заблагодари на Оман за преземањето на 10 затвореници, кои не може да се вратат во Јемен поради конфликтот во таа земја. Тој рече дека САД очекуваат до летото оваа година од Гвантанамо да бидат ослободени 40 затвореници.