Во Мадрид уапсени шефови на мрежа за нелегална миграција

Шпанската полиција денеска соопшти дека уапсила четворица шефови на криминална мрежа за нелегален шверц со луѓе, кои за награда од 20.000 до 50.000 евра по човек во Шпанија илегално внесувале Иранци, пренсоа француските медиуми.

Водечките луѓе на мрежата се дел од познато семејство, кое во Иран се занимавало со шверц на луѓе, соопшти полицијата во коминике.

Шверцерите користеле сложена маршрута за пренесување на луѓето – преку Турција, Дубаи, Бразил, Парагвај и Боливија, за подобро да се прикрие нелегалниот шверц за луѓето кои доаѓале од Иран.

Освен четворицата шефови во акцијата се уапсени уште 15 лица од Мадрид и Каталонија.

Извор: Нова Македонија