Во Штип запалени пет возила, две од нив се на луѓе блиски до СДСМ | Правдико

Правдико

   

Во Штип запалени пет возила, две од нив се на луѓе блиски до СДСМ

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Пет возила биле запалени утрово во Штип, од нив три целосно се изгорени, а две делумно. Инцидентот се случил изутринава околу 5 часот во штипската населба Сењак.

Меѓу возилата кои целосно изгореле се двете возила на семејството Тушеви. Едното возило е на Никола Тушев, кој е поранешен претседател од огранокот на СДСМ во Штип, а другото на неговиот татко Мите Тушев. Тие се брат и татко на поранешната пратеничка од СДСМ Маринела Тушева. Возилата биле паркирани на различни места на паркингот.

Пожарот во СВР Штип бил пријавен рано изутрината по пет часот.

„Изутрината во 5:25 часот во СВР Штип е пријавено дека на улицата Борис Крајгер во населбата Сењак се опожарени три возила. Двете се од марка ‘пасат’, сопственост на Н.Т.(32) и на М.Т.(63) и ‘опел астра’ сопственост на О.М.(61), а делумно се опожарени уште две други возила. Увидот е во тек, а со настанот е запознаен и јавен обвинител“, изјавија од СВР Штип.

Извор: Макфакс

Партнери на Правдико