Во Собранието почна расправата за буџетот за 2017 година | Правдико

Правдико

   

Во Собранието почна расправата за буџетот за 2017 година

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

собраниска комисија буџетВо матичната собраниска Комисија за финансирање и буџет денеска почна расправата по Предлог буџетот на Република Македонија за 2017 година.

Според предлог, вкупните приходи се планирани на ниво од 187,6 милијарди денари што е за 7,6 отсто повеќе во однос на 2016 година. Вкупните расходи се на ниво од 206,22 милијарди денари или за 4,5 проценти повеќе во однос на годинава. Буџетскиот дефицит е предвиден да изнесува 3 проценти од БДП, односно 18,6 милијарди денари.
Капиталните инвестиции се планирани на 26,95 милијарди денари.

Буџетот е работен врз основа на проекција за раст на економијата од 3 проценти, а инфлацијата да остане на ниво од 1 отсто.

Предлогот пред членовите го образложи министерот за финансии Кирил Миновски кој рече дека Предлог-буџетот за 2017 година се базира на три основни постулати, а тоа се развој, кој базира на високиот износ на капитални инвестиции, социјална заштита на најранливите категории граѓани и етапно намалување на буџетскито дефицит за да се постигне фискална консолидација на среден рок.

Според него главениот приоритет на буџетот е поддршка на приватниот сектор бидејќи, како што рече, е клучен за економскиот развој на земјата и е единствен кој може да креира нова вредност.

Извор: Утрински весник

Партнери на Правдико