Правдико

   

Во Црна Гора запленет хероин вреден околу половина милион евра

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

На граничниот премин Божај, на влезот во Црна Гора од Албанија, црногорските полицајци и цариници синоќа заплениле околу 17 килограми хероин и уапсиле 35-годишен албански државјанин, пренесе агенцијата „Танјуг“.

Како што соопштила црногорската полициска управа, Албанецот е уапсен поради сомнение дека сторил кривично дело „неовластено производство, поседување и пуштање во промет на опојни дроги“, објави интернет-страницата на РТЦГ.

Во внатрешноста на кабината и инструмент-таблата на камионот марка „даф“ пронајдени биле 18 пакувања хероин, додека во друг бункер во возилото пронајдени биле уште 12 други пакувања со истата содржина.

Уличната вредност на запленетиот хероин се проценува на околу половина милион евра.

Извор: Макфакс

Партнери на Правдико