Во Турција приведени 245 осомничени припадници на ИД

Турските безбедносни сили во март привеле 245 лица осомничени за поврзаност со Исламска држава и спречиле неколку терористички напади, објави турската новинска агенција Анадолија.

Помеѓу приведените има и странски државјани. Дел од приведените се во притвор, други се протерани, а за останатите се уште се води истрага.

Во операцијата на турските безбедносни сили одземени се документи, оружје и муниција.

Во терористичките напади преземени од ИД во Турција до сега загинале најмалку 319 лица.

Извор: Нова Македонија